راد يرسمها
وصل حد الشفايف
طاحت الفرشاة منه
وتيبس الدم بوريده
رسم بشفايفه
لهفة عشگ
ملوِّنه بلهفة گلب
ومن فرح ذيچ الشفايف
تلونت لوحات
وتفتحَّت وردات حمرة
فاح من عدها عطر
دغدغ گليبه وكلبها
راد يرسمها
وصل لانفاسها
تخربطت الالوان من
حرگة نفسها
قرب منها
وجاسها
چن لهب تنور
من عدها اشتعل
بعد عنها وخاف
من حرگة نارها
راد يرسمها
وصل حد الحنين
مالگه اللون اليوالم
حنيه بين حروفها
گرب منها وغرف
من نبع الحنين
الماگضه
رغم العذاب الشافته
من سنينها
راد يرسمها
وبحجه ويشيل الزلف
من خدودها
رجفت ايده
وطاحت الفرشاة
مابين الگطايه
اتبسمَّرت بمچانها
وبهتت الالوان كلها
ويه حمرة لونها
اتعذرتله وگالت
اليوم انتهينا
خلها هل الرسمة على باچر
بلچي باچر
نرسم بفرحة عشگنا
لوحة حلوة
ملونة
ابوساتنا