الورد...ريحه اولون مهيوب

اوكل اللي نحبه اعله الورد محسوب

إهي هيبة زمن..موهيبه ذاك اليوم..،

والهيبه الجبيره / الحزب مهيوب /

.....

كل هذا الحزن ..والفرح جاي اتكول..،

بويه انت َ دكلي امنين ..،

من ياديس راضع يابطن مجيوب؟!

لوظميت طولك ...تنفضح بالروح..،

ياروح التظمك وانت َبالطوفان باول لوح مكتوب

.....

زغير آنه...،

اوعرفتك كبل اصابيعي ..،

حسبتك ..انت َ اولهن .

حسبتك ..انت َ عاشرهن .

كبل درس المعلم بالدرس محسوب .!

......

شتلناهه المعزه ابغمك دمع العين..،

واتراكض خضارك كل غصن بستان ..،

والهايم يتَرس اعبوب

والكاع الوسيعه ابغير وزنك ماصفت كاع..،

جاخفّت ابساع اوثكَل خيط الثوب

محبه اوماعتك بيهه العشك لساع..

عفيه اكلوب تزغر بالعمر مكلوب !