مشتهي ابجي بحضنك ..

وأشعل سواليفي جمر

مشتهي اتعب ..

و اركض بسد الجديلة ..

سبع فرَّاشات مغزولة بگمر

مشتهيك ..

و جنـــِّـــي لعـــــَّـــابة يتيمه

بلايه جف ..

جاهل يناغيها و يمر

مشتهي ..

اعگد روحي شدَّة رازقي بشباج خدَّك ..

واضوي ويه الشط مواويل و فجر

 ومن اشوفك أرسم النخلة كلايد ..

 و اربط الشفــــَّـــه على الركبه عطر

مشتهيك ..

ولايه بيضه ..

مطرزة بغيمات معجونة بغنه ..

وفرحه بعيون الحبيبات

لينطرن شوك خيــــــَّــــال على شرفتهن دنه

مشتهيك ..

 خلي نعبر سوه هاي الليلة ..

 بوسه ابـــــّــــــوسه ..

 روح بروح ..

 لا تجزي بلايانه السنه ..

وعود من تصير ساعة اثنعش

 اصحالك و بوسك ..

لأن ذيج البوسه جانت كبل عام ..

 و هسه صرت ( انت ) ( أنه ) ...