ياساحة التحرير ..

/ نَصب الحلم / من سومر ..،

لَحدّ   14تموز شايل جمرة التاريخ :

جمره اتنشف النهران ، واليقره الرماد ايحير ..!

ياساحة التحرير .. ،

كل موعد عشكَ وي دورِتج رفّة حرير .

يانصب الحلم ..،

ملّينَه اشكثر ناخذ حدر طولك تصاوير :

سر / اجواد / هذا الما يضمّه البير ../

نزلت كل علامات النصب ( بكتوبر ) اتوزع مناشير

واكتوبرعراقي اهناه يحن ( لكتوبر  الثوّار ) ..،

ياريت الكَلب باْول هبوب ايطير .

ياساحة التحرير ..

رَد بينه العمر..،

 والشمس خرزه اعله الزنود اتصير../

بخت ..،

ناخذ للشهيد اخبار ..،

ننده نومِته ابترتيب : جاك السيل ..،

سيل البحر..سيل البحر ..موش انهير ...