المندائيون الذين عاشوا على شواطئ دجلة لضرورة دينية جعلت منهم منتجين ابداعا مهنيا وعلميا وادبيا بحكم استضلالهم الاشجار وخضرة الطبيعة التي اثرت فيهم تأثيرا كبيرا

فتظموا الشعر وتحديدا الموال والابوذية وابدعوا فيها وفي صياغتها حتى انهم خلقوا طورا خاصا غناه الصابئة امتاز بحزنه المستدر للدموع اطلق عليه طور(الصبية او الصبي).. وقد كتب اغلب الشعراء الشعبيين من الصابئة فيه منهم(عزيز كاري وسوادي واجد ودرباش غافل ولميعة عباس عمارة ومنصور خيطان وعوده منصور خيطان وناصر خشن وغيرهم. وهذا صوت الشاعر المجراوي الكبير سوادي واجد وهو ينشد:

قرينا الطلسم بصدرك بهنداس

يشع بليلة الظلمة بهنداس

ايتخطه وچتن جعوده بهنداس

تحفظ لا يصيرلك منيه

ومن ابوذياته التي حصلت عليها بعد بحث وتنقيب طويل من احفاده واقربائه وما نشره عنه الاخوة من ابناء الطائفة المندائية الكريمة في مواقعهم الخاصة وصفحاتهم الشخصية وما ارسلوه لي من وثائق ومدونات ورقية وصوتيه ومن اشهر ابوذياته:

كثر نبت الشجر والشوك هميت

المفلس لا تحسبه عدل هميت

بغسل ثوبي يخوتي اليوم هميت

لبست البيت سديته عليه

وهوكان غاسل ثوبه (دشداشته) ، وما لديه غيرها. وعند غسلها أغلق البيت وسده عليه وشرها على الحبل، لتجف ويلبسها فقال هذه الصورة الشعرية المدهشة (لبست البيت سديته عليه).

 وقال ايضا:

زغير السن وبعده الشوك ماتاك

 سهى وزرار فوك الصدر ماتاك

دضم صدرك نعله اعيون ماتاك

 آنه شذنبي وتفرغ الظيم بيه

ويقول الشاعر درباش غافل :

شلت همّـي وهمّـك وليحادي

شجاب الون لكَلبي وليحادي

دشيت بخطيتي وليحادي

وطريت الشنّاك وخنت بيه

ويقول الشاعر سبع درباش غافل:

احبابي الوكت شت بيكم وبينه

همومه اعله الوجه وضحت وبينه

حبيبي لو بحر بيني وبينه

اعبرنه ولو بيه المنيه

وهذا موال للشاعر داود سلمان جثير ‏

يا صاحب اوصيك لا تلفظ رذيله وردى

وعيش ويلجواد وعاملهم بأخذ وردى

بالك تذب الحجر بالبير الذي تورده

موجود ربك ما هو ميت حي

بالضيف اوصيك رحب بيه وفي وحي

الضنك ما ينهوي زاده مثل سم حي

والفاعل الخير أبداً ما يلوحه ردى

والشاعر جوده رشم المسودني يقول:

اخذلك من لذيذ العيش عضه

وعدوك من تلوحه حيل عضه

الفگر فوگ الجمل والچلب عضه

عضه ووگعه بأرض الوطيه

وقال الشاعر عوده بن منصور:

حبیبي ابفرگتک بس علي خليت

ابدليلي وبيابي العين خليت

خليلي اشجنيت وياك خليت

بيا ذنب انكرتني وخنت بيه

وقد وصف احداهن متغزلا ومناشداً ابناء طائفته المدائية:

جفاني ونكر طيبي وخله ياداي

خزرني وبهل جرحي وخله ياداي

الولم داخل ضميري خلي يا داي

اللمس من ظاهري شيفيد اليه

ومن شعره الغزلي ايضاً:‏

عسعس ليل جعد الترف ويله

بضيه خده ظلام الليل ويله

ضحك يمة محمد أه ويله

هذا الي كتلي وعمل بيه

بهواك انه علي الناس لامت

اتم أبره لضعنكم بعد لامت

لو مكفوف عني البصر لامت

اشوه ولا تظل علتي خفيه

وقال الشاعر الكبير عزيز كاري:

نظرت الزمن مني العقل شتيت

بجلة وبلباس الصيف شتيت

كَوم اللي تفرق عدو شتيت

نفع ماكو ، لحكَتهم كل أذية

عليك الله يحلو الطول دن دن

يمشي والحجل بالساك دن دن

من أموت تخسر للأهـل دن دن

كل هذا ، وتلحكَك هم خطية

ويقول الشاعر ناصر شلتاغ غافل:

إخدوده تلمع أو تضوي من الدر

ذهب والصايغة بلادي من الدر

أنا ما أكطع فرد وردة من الدر

أحب كل الورد روحي شهية

هله يالروحي بثغره وشافه

أو عليلك لا تظن يبره وشافه

الگلب من دوره يدعى وشافه

أريدك مبتسم وأتمر عليه

ويقول الشاعروجدي الناصح :

أنهَجَر ماضيف يشبگ بلمه جر في

وسرَيت بجرحي واسحل بالمجرفي

اهناك امن البوارح بالمجر في

وذره وچلمات مملوحه ونديه

يطارش دار اهلنه ينعه گلها

الخليل ، وشبه الاسود ينعگلها

سبع اسلاف جاشت ين عگلها

يوم الشاع ضيم الحل عليه

وقال  الشاعر ناصر خشن :

العقل يحتار منك يازمنه

ويكفينه الوصل منك يازمنه

مشيت بطرق شتى يازمنه

اخبرني اشوقفاك وخنت بيه