شيوعي انته
شموع اتذوب لأجل الناس
انته والشعر والليل وانته الكاس
تتصيد الچلمه العزيزه
التنبض أبأحساس
تحط گلبك قلم
يكتب هموم الناس
شيوعي انته
شوگ برحية شواطي
ابكل محنه حضنت الجمار
ترسم اعيونك نهار
تكتب المحبه اشعار
حرز اسمك يطرد الوهواس
يالعمرك شمع ٠٠٠
وايذوب لأجل الناس
٠٠٠ ٠٠٠
شيوعي انته
كيف للـ ما عنده كيف
او طيف للـ ما مره طيف
تطش روحك فرح للناس
لكن محنتك سيزيف
عدل يا بو العدل تمشي
ما مر سچتك تزييف
ولا مر ابسماك الزيف
يميزان الذهب٠٠٠ !
يل بالذهب تنقاس
يالديدنك للموت حب الناس
٠٠٠ ٠٠٠
شيوعي انته
او شيوعيتك علم
يتباهه بيك الكون
مجنون كلمن يضد
وكلمن هجر مجنون
رايتك بيرغ وفه
رمز الحقيقه ٠٠٠
او للصدگ عنوان
منجلك شيمة فلح
گاع او عشگ وإنسان
الچاكوچ لمة زلم
تبني ابعرگهه أوطان
يا ورد طبع الورد
من ينجاس يذبل
و انته اتزود من تنجاس
يالطبعك شمع وايذوب
دوم ايذوب لأجل الناس
شيوعي انته
او شيوعيتك
ميزان الذهب
بس بالذهب تنقاس