مهداة الى طبقتنا العاملة العراقية بمناسبة
عيد الأول من آيار
الفجر أحمر
الشمس حمرة
ورد دم الشهيد احمر *
العلم أحمر
وسمانا الطرزتها انجوم
بزند عامل حلو اسمر
تحزم والفلح خوان
وبزود الفلح گيعانه تخضر
ومعاملنا التصنع الخير
فوگ الشعب يطشر
على وجوه اليتامى الما تلوح الماي
گلوب من القهر
يا حيف تتفطر
حضنت غيضه وگامت
بعد عل الضيم ما تصبر
تتحدى المنايا ابزود
ابد ما يوم تتعذر
من تحت الرماد تگوم
چا چمدوب تتدمر
عمال وفلح طلاب
وشموع النساء الوطن بيهم حر
وشعب يبقى سعيد وما يشوف الضيم
بعد ما يرضه طعم المر
ــــــــــــــــــــــــــ
* زهرة شقائق النعمان الوردة الحمراء المسقية من دم الشهيد، هكذا يطلق عليها وهي منتشرة في ربوع كوردستان “وفي التراث الفلسطيني ترمز للشهداء والحب والجمال، وللدلالة على ولادة جديدة لمشروع شهيد قادم “يرحل شهيد ويأتي أخر ليكمل المسيرة”