اخر الاخبار

جاكوجنه ايعادل ذهب

بجفوف ما همها التعب

نتنفس ابجيتك فجر

ايارنا     لمن.    تمر 

ننطيك من عدنه  عمر

وانطشلك الريه  درب

عيدك سعد للعالم

ويا   الفرح تتوالم

مانال منك ظالم

مادام  جاكوجك لعب

من  زود عاملنه الشهم

يزداد داخلنا العزم

جاكوجنه ابوجه الظلم

دكاته تتحول لهب

العامل اويا الاله

غيّر الكون ابحاله

ما مات من وصّاله

تاريخ بالدنيا انكتب

مرحبه ابجيتك ايار

يابو العمل والاحرار

بالروح نبنيلك دار

واعلامك اترف عالشعب

عاملنا ماخالف وعد

جاكوجه ما خان العهد

تاريخ مشرق للابد

انجاز للفكر انحسب

بجفوف عاملنا البطل

بالدنيه طرزنه.  امل

ما عمر كون ابلا عمل

والنخل ما يحمل رطب 

ياهلا ابعيد العمال 

خير اوفرح للاجيال

جاكوج بيد الابطال  

والطاغيه اتحول حطب

 عمالنه اشكد حلوين

خشنين لكن طيبين

باطباعهم شدة أو لين

والعوز من عدهم هرب

لوما العامل موجود

للناس ماكو جادود

باب الرزق لو مسدود

ينفتح ويثير العجب

عرض مقالات: