هسه وعاني زماني
احبيبي
وتوني صحيت
ودورت بالناس
كلها
وابد ما مثلك لكيت
اهجرت ديرة غرب
وانه بعذاب
وعمري راح وابد
ما ظلي شباب
وعمري بالستين
يطلع فوق
واتحمل عتاب
وياعتاب البعد اشوفه
وغربه احملها صفيت
هسه وعاني زماني
احبيبي
وتوني صحيت
امشي وي ناس وادور
طيب ومخلص اشوف
وجربت كلها مصالح
ولابد الغايه واعوف
وكلت اهاجر ليه احسن
وعشت هالغربه واطوف
وديرة ديره الامشي بيها
وتالي الحالي الوعيت
هسه وعاني زماني
احبيبي
وتوني صحيت
الكيت نفسي الحالي اعيشن
بهجر وبغربه وبعيد
ابعيد عن اهلي واخوتي
ولاوطن ليه اوحيد
وبين جدران اربعه
عشت بعذاب
سجن اشوفه ولالي
كل فكر اليهيد
اشلون اهدا ولاوطن لاعندي بيت
هسه وعاني زماني
احبيبي
وتوني صحيت
هاجرت عفتك الغيري
واستوطنت بيك الوحوش
بيوم من دنسك مجرم
والبلاء من بلاء بوش
واجتنه اشكول المكلبه
واصبحت عدنه التروش
وسيطرت على هالكراسي
وحبيبي لتظن الك اني نسيت
هسه وعاني زماني
احبيبي
وتوني صحيت
وياوطن يحبيبي
انته
ابد ما مثلك لكيت