چذب من گال
حزب حسين يوم إيموت
أبو طبع إلچبير
أو طائر العنقاء
يتمرض... ينجرح
يحترگ هم معقول
بس إيموت أبداً لا
وحگ اللاء
من تحت الرماد إيگوم
يا ما گام
ذيب إيواكح الصحراء
تشهدله السمه والگاع
تشهدله الحروف
إمن الألف للياء
دونك أسأل التاريخ
عاين زين
هاي التسعه والسبعين
گبلهه
أتلاثه أو ستين
أو ذاك أشباط
يوم الصعدوا الطيبين
على أحبال المشانق
غنّوا أمعرسين
فهدنه
أو حازم
أو صارم
أو بعدهم
صعدوا أهوايه
رفعوا للمجد رايه
الحيدري
أو عادل سلام
مونليزا
وي سحر بن الحزب
فربال
أو نجيه
أو خالدة
أو أكرام
شموع أتطرز الأيام
بيهم أحبال المشانق
رسمت الدنيه مناجل
أتغنت أبشوگ المطارق
عانقت أفق السماء
عنفوان
أو كبرياء
أسطورة
طائر العنقاء
بيهم صار حزب حسين
أبرگبة كل مناضل دين
بيه تتباهه السنين
لاوه أبشوگ چف الموت
أصبح للظلم تابوت
چذب من گال يوم ايموت
حزب حسين
أبد ميموت أبد ميموت