تهواك الفلح واتنطرك العمال
يبو راية الحمره ومطرقه ومنجل
ياأصل المبادئ يبو الثوار
ياچاسي الفقير العندك مدلل
رادوا رايتك يصلوهه للنجمات
شما يعلا سهم هم يرد ينزل
تبقى مدرسه وتعلم الأجيال
رفاقك مفخره واحدهم معدل
تشور باليضدك واليعاديك
تحب الناس لكن شارتك تكتل
ياحزب الشغيله النور التاريخ
تاريخك نضال وماعرفت الذل
ابطالك فدوك ورحبوا بالموت
موتت عز مو موتتهم تختل
يمنور الطريق بكل ظلام وليل
الي يمشي اعله نهجك يوصل
ويندل
والعاف المبادئ واليجافيك
كل عمره يظل ندمان ومشعكل
تبقى انت عشگنه وامل كل الناس
مثل فرحة العيد ومنه ابد منمل
ياحزب الشيوعي نفتخر بيك
تفرح کلوبنه بآذار من يهل