(احتفاء مبكر جدا الى الدفتر الاحمر الذي لن تذوي اوراقه.. او يتغير لونها)

الشايلك مثل الحرز..

يحلف يمين..

(انت گلبك باليسار مايودي اعله اليمين)

منهو گال ..

تتعب اغصان الورد..

من شيل جوريات حمره..

ومنهو گال بيدر الحنطة انخطف منه صفارة..

اليلمع بلون الذهب..

والحنطة سمرة..

منهو گال ...

بدل البيرغ شعاره

 المختصر خبزة الفقره..

وانت برحية رطب ..

تعصر گلب جمارها..

وتوگف رمح وبعين

كل خاين وغدره..

رادو يبوگون صيتك..

رادوا ايفرهد ضواگ..

وطشت بكترك ضواها الدنيه گمره...

انت انت انطيت هاي الناس

واهس..تعشگ باسمك اغانينا

ولو مرها الحزن..

تكتب قصايد ياوطنه..

وياشمسنه

الشمس من حضنك توج

والگمر شيباتك مثل ليره تلج

وحتى نار احزانك التحرگ ثلج

الناس كلها بصايتك..

تكتب شعر..

 ويامظفر يغزل  البردي قصايد.. من كتب وينك حمد ..

وگبل ليله من ابو محيسن..

والنذر عريان صايغهن گلايد

وانت سنبل خضر بكل المناجل

يا مناجل كاظم امذهبات..

لو حنة وضحك بسنونهن طشت الضحكه

انت يا شيلة بخت هذا الوطن

باطراف خاجيتك سترته..

احروف اسمك

شيلهن كلهن مراود..

كحل احديثات حلمك...

وانت حلمك الف عام..

هاي اسطورة الفقرة..

اشما يمر الظيم بيها..

تغني بأسمك...