تسعين نجمة غفت
ونجومك العاليه
شعله وعلگها فهد
طول الزمن ضاويه
حازم وصارم نهر
وفروعه بارض الوطن
ما ينگطع جاريه
وصار الشيوعي علم
العمال إله صاريه
عادل صموده شرف
من خوف الجلاد
قدم عيونه نذر
بس لا تذل بغداد
إختار الطريق الصعب
وحصن رفاق الدرب
من سطوة الأوغاد
نصبوا مشانق غدر
مبنيه عالاحقاد
مرجوحه صار الحبل
ودم الشيوعي إرتفع
اعلا من الاعواد
كلها .. وحزبنا إستمر
إبكل هيبه وإستعداد
ماهمه ذاك القمع
وبكل عزيمه عاد
كل همه يبقه الشعب
شامخ وعالي الرأس
وراد الوطن حر يضل
إتعيش إبسعاده الناس
مابي عميل ونذل
ولا خاين ودساس
العمال من تتحد
هيه اللي تبني الساس
وصار السجن مدرسه
واليشهد السلمان
دم الشيوعي انكتب
للتضحيه عنوان
شفتوا ابعمركم حزب
بي ينتمي سجان
محفوظ حزبك فهد
وحزب الطغاة إنداس
تاريخهم مزبله
وحزبك بقه نبراس