إلى حزبنا الشيوعي العراقي في عيده التسعين
هلهولة إلك يا حزب
ولعيدك التسعين
غنينا أحله لحن
وبعيدك معيدين
لسنينك انوج شمع
ونكول يحله سنين
يا نخلة الما حنت
يا منبع الطيبين
بالروح الك منزلة
ابنص الكلب والعين
يمعدل وسيرتك
معدن ذهب يا زين
عمرك دفاتر فخر
مد الوفة شكابين
اسمك ملاحم ضون
كل يوم وبكل حين
راياتك تظل حمر
ضوت عله الصوبين
يالثابت وما هنت
عزمك صلب ميلين
يالعلمتنه البذل
مو منة منه ودين
فيضك فرات وعذب
من دجلة والجرفين
يلبيك يحله الوطن
بجباله والنهرين
يسفوح خضرة زهت
يسهول وبساتين
نتباهه بيك ابفهد
بالحيدري وبحسين
البيهم علت رايتك
برفاقك الزينين
الكلمن مشه بسكتك
بانصارك الحلوين
وثبة وسواعد سمر
نمشي ونظل ماشين