يثكلن بالملاكه وبالرحيل اخفاف
بيك الحيرني الخطوة والنية
باطل من تهمتك واعترف غلطان
ضلمتك من كلتلك بيك حنية
ويكتلني العطش وبريجي اصبر الروح
كلشي ولا احس بالعطوة منية
نهري وتارسك وبكطرتك شحيت
من مرني العطش ما شفتك اميه
وامس من تختنك كل اهلي يختنكون
الململك هواهم وافزع برية
ولون جاسك وجع جنت انه اصير وياك
مثل التوم ثلثين الوجع بيه
كمت ما تستحي صدك عرفتك من
صوفر وجهك ونشفن سواجيه
ونستني مرايتي كدما اباوع بيك
ولمة اتمعنت ثاري الخلل بيه
اتعامل وياك بطيب وادري تخون
وادري الطيب نزل راس راعيه
بهلا اتلكاك حسبالك لون رديت
يا ليل بهلا اتلكالة صبحيه
كبل لا اعرفك اهلي باسمي ما يحجون
انة ديرم صرت وبحلك بدوية
وكلشي انطيك وانه ادري البخور شلون
ينطينه العطر ويموت تاليه.