مجروح
مجروح ...
مو بس جرح
من كل كتر مجروح
ومن كل مچان انلچم
وارفس رفس مذبوح
گضيت عمري حزن
ابچي بلايه دموع
إمنين ما التفت
شرطه ودرب ممنوع
حاير إبنص الدرب
لا رايح ولا جاي
طلعوا سراب وعطش
الچنت اعتقدهم ماي
رديت وحشة حزن
وبيدر الم وإحباط
وجروحي متهلبه
ما ينفع إلها خياط
زخة فرح
مواويل
رگص مذبوح
بلبل اخرس
ليل ومحطات
غربة وطن
ليل والدنية مطر
تذكرين
تذكرين ... ؟
شلون چنا ..
بأول ايام العشگ
متعاگدين
چنتي بعدچ ..
طفله كلش
وآنه چنت زغير
بس إكبرت ..
من ضيم السنين
تذكرين ...
الغيمه من رشت
بواچيها علينه
وشبگتيني ..
والندا رش عالحدايق
ياسمين
تذكرين الليل ..
من إيصير بين ضلوعي موعد
وتنهش ابروحي الدقايق
وكل دقيقة اتمر سنين
تذكرين ..
اشكثر غنينه وبچينه
چنت احب الزعل كله
من اشوفچ تزعلين
تذكرين ... ؟