اجا تشرين يشعل بعض الافكار
والدخان يفضح كومت أسرار
برز وجه الحقيقة بفكر تشرين
وطلع وعي البعض مجموعة اعذار
شرب ماي النصر واتعنه للموت
غالب بالشهادة وموش خطار
ينهاب الشعب لو وحد الصوت
وتگلگل من وگفته الداگ بسمار
نعم تشرين اطا درس الابطال
وخله الثلج بأيده ينگلب حار
شعل نار الضماير هز الأركان
ومطر تشرين نازل يغسل العار
تشيم يا شعبنا وحگك بهاي
راعي الدار انت وموش إيجار
غضب تشرين ثورة ورافع الصوت
وصارت للنصر و الرفض معبار
حمزة وصفعتك بوجوه فساد
وعريهم بعد طغمت الفجار
سراق الوطن ما بيهم اشراف
دگهم يا شعب لادگ الإنذار
ارعد منك يخافون و الله
مترهي تعال واطلب الثار
زلزال التظاهر مالة مقياس
يرعبكم لأنكم كومة احجار
وابد متفيدكم كل الحمايات
نجيكم مو شعب ندخلكم إعصار
وحق تشرين نقسم ما تظلون
وبدم التظاهر نكتب أخبار
انا الشعب العراقي اصحوا ياهيه
گبلكم ساحل هواي من الأشرار