چنت أضنك ...
من تجي .. اتبلسم جروحي
إتطفي بضلوعي الجمر
وتهيد روحي
سنين تانيتك تجيني
وجيت بوشالة عمر
شكثر حسدوني ...
عليك الناس
وماعرفوا البيه
وهاموا ابشباچ حسنك ...
مثل بقصم ..
ذايب ابچاي العصر
إغتاضوا العذال ..
من شافوا فرح گلبي
غميج
ردتك .. اتشوف العذاب البيه ...
گبل الناس كلها
ردتك إتكمل الطريج
لا إترد بيه الحزن ...
وتعوفني ابنص الدرب
وتشمت العذال بيه
بعد مابيه سهر وهموم
وفراگ وغرب
آنه عايش ..
لأجل حب الناس ...
وتحقيق الاماني ..
إبنص گلب
شوفني .. وضلت إبكيفك ... بعد
نصطلح .. لو نفترگ
للدوم .. وضحلي الامر