يمر الليل بيّ
اِمسامر احروفچ
فرح عاشگ
خلگ ناطور
ويمر بيّ النهار
ايطشر ألبسمات
عالوادم فرح مسرور
و أطير اويه الفرح
غناوة محبة
ابجنح عصفور
مراني الحزن شافچ
جزاني او راح
وعاشرني الفرح
٠ لحلچ محبة حور
وياي للوكت
يجري نسابم طيب
يجبر خاطر المكيور
أحضنچ گلب بين أصلوع
و ألچ فدوه اِلعمر منذور
المامش صار
بيچ آمال يابو وآمال
ماي امعاشر الناعور
ترفه أحلام عمري اوياچ
طگتلچ عشگ بستان
رغم الگاع صبخه او بور
صيهود العشگ وياچ طگ خنياب
بسمچ شوگ يتغنه
الجبل والسهل
والصحراء وي الهور
طريق الشعب يا ام الجرايد
يا كفو منچ
يالاسمچ گمر وينور
وابجالچ دفو جويريد طگ
او طك نعناع غصن الزور
ابعيدچ دارت الأيام
صواني اشموع تحضن ياس٠
شايل بالحنان ابخور
تعلگ بيچ گلبي
من الزغر لليوم
من يوم التهجه بيه
دار او دور
لليوم او غرامچ بالگلب عايش
خبز تنور
تعود على عالسهر والسمر
طبعي بيچ
نزهه ارتاح مو مجبور
شالاج الوكت راية طيب
هلهولة غوه احديثات
و ايگلچ الف مشكور
اشگد مرت جرايد
وأشكثر راحت
وانت انت هذبچ انت
ليلة عيد وادخول السنه
ورد جوري ابقدح شفاف
من بلور
ما همج ظلام الليل واشگد
طال فجر انت واسمج نور
شأهدي ابمنرجانچ
حرت مدري او أضمچ وين
الچ مو بس عمر ناذر
أدگ عمرين
طريق الشعب يا اهلال العيد
يا رمز الوفه بت الشيوعيين