أصيل انته
او كبوتك كبوة أصيل
الهاي لا تهتم
يبو خلگ الچبير
الشال ضيم الناس
منه الناس تتعلم
أشكثر دربك طويل اطويل
و اشگد شفت بيه أشواك
سحگته او لا چنت
فد يوم تتألم
الك طابو الحياة
اشما تطيح اتگوم
تعلم الراد٠٠٠
والما رام يتعلم
طائر العنقاء انته
او فارس الكبوات
بالكبوات أنته اعلم
شد حيلك نبي للجاي
خله الراح٠٠٠٠
انته أبهاب مني أفهم
أشكثر ضحيت ٠٠٠
وأشگد أمن الرفاق انطيت
هذا أنته كريم ا و زود
انته أمن الكرم اكرم
يا بيرغ عراضه ٠٠٠!
الما بطخ للموت
او لجروح الخلگ مرهم
يا شهگة البرحي
او نشغة القداح
يا ماي الحياة
الكل وكت بلسم
قليل الراح
بس الجاي حيل اهوايد
لازم بيه نتنعم
يسوار الذهب و ايلوگ
بالشوگ اعله كل معصم
اسمك تاج فوگ ااراس
مدرسة الحقيقه البيك
كل الناس تتعلم
كبوة أصيل الصار
شد الحبل لا تهتم
شد الحبل لا تهتم