اخر الاخبار

 (1)

 سره مدري ضعنهم وين ما وين

 مجد بالسيرحيل الحيل ما وين

 مثل وني ابد يعگوب ما وين

 ولا قابيل يوم الواره أخيه

(٢)

 مثل يوسف اوصفك بويه لاله

 الضوه كله ابجبينك بويه لاله

 الگمر عين او وجنتك بويه لاله

 واحس الروح بيدك موش بيه

 (٣)

 حلو لبس الجماغ اعليك يبره

 يمن كلبي الرفيف الرمش يبره

 اشتظن مصيوب لحظك بعد يبره

 جذب لا لا وحك حامي الحميه

 (٤)

 سالوفه ابحلگ شامت صرت  واعليچ

 ولوچ ابحسرتي مجبور واعليچ

 تسع اعشار شعري بيچ  واعليچ

اشمرامچ چا بعد انطيچ  ديه

(٥)

علي اهموم وكتي أبواب  سكرن

ثماله وابعذابي حيل  سكرن

مثل زيبگ صرت بچفوف سكران

 اشيسوي اوياي هو انه الضحيه

(٦)

الوفه طبعي ابد مو طبعي خيانه

او عمري دوم للصاحب  خيانه

شجاك اشغيرك عني  خيانه

ذاك آلچان الك عمره تچيه

 (٧)

عكس وياي وكتي اصبح شماله

 غده شرجي الگبل صافي شماله

 او صفت يمناه ما توصل  شماله

 صدگ انسان بس ابلا  وعیه

(٨)

 بنيت اوياك صب او طلع  منگاش

 يالبحرك غميچ او چذب  منگاش

الحطب نارك حسافه صرت منگاش

 أوصلت وسفه التريده او خنت بيه 

 (٩)

بضلوعي سهم موجر من يراني

 او علي كام يعطف من يراني

لهذا الحال مدري  من يراني

الوكت لو قسوة احبابي عليه

 (١٠)

 روحي الوكت من بعدك  شجاهه

 او حزن ينگل حزن اصبح شجاهه

 دمعتي ابرمشي تتلولح شجاهه

 لا تقبل تطيح او لا ترد هيه

عرض مقالات: