الى ارواح شهدائنا الابرار بمناسبة يوم الشهيد الشيوعي
ريحتك ريحة اهلنه
او رسم دمك طيب جنه
من تهب نسمات شوگك
تترس الدنيه عشگ
ويه صوتك
گلبي حوريه يطگ
واعتلگ كلي اعتلگ
بالوفه لاجلك محنه
ترف يا شوگ الاولايه
نزف دمك يرف رايه
منجل وچاكوچ بيهه
اوبيهه مرسوم العراق
امعفره ابدم الرفاق
دگت الدرب النضال
رغم انف الموت ثايه
اموشحه
ابدم حازم او صارم
فهد طرزته ثوابت
لا تخاذل للامام
او هكذا سوه سلام
ابهالدرب مرت ولم
كفو والنعم
بيش ابدي
امنين لوردت احچي امنين
من مناضل لو ابوه
الغيره بيهم غيرة حسين
لو سحر لو موناليزا
اكرام لو سيد وليد
ابطارق السبهان اسولف
لو نجيه
خالده او حريه اختهه
فريال لو اكتب مجيد
حسن مرجان
لو ابن ماضي فريد
لو تظل اللو حبله
اتجيب لو
يللي دمك نزف ايه
وفه ماردت او اريد
يا وفي طبعه او حنين
روحي شمعه
اعلگهه وي اشموع يومك
طشهه هيل وياسمين
بيهه تتباهه السنين
كتبت اسمك الثريه
للنضال اجمل هديه
هاك اخذني
اشما ردت واتريد طشني
اسنيني لاجلك واهليه
شمع خضر الياس
حلال المشاكل
لو نذر لام البنين
يللي طبعك طبع اهلنه
او ناسنه الطيبين
نزف دمك بيرغ امعرسين