اخر الاخبار

مهداة الى المطرب الكبير حسين نعمة

غني ٠٠٠ غني

او علي فوگ الفوگ

يا صوت الحنان

البيه تتباهه الشفايف

غني ٠٠ غني

غني يا زهو الفرات

او طيبة الغراف

يا ريحة أهلنه

يا طعم جمارنه

او هيل المضايف

غني جرحنه النشاز

او يا (حريمه)

حط ملح فوگ الجروح

او ماهو خايف

وانته تدري؟

احنه عدنه اطباع ترفه

ما نحب غير الأصيل

او للأصيل ابشوگنه

انحب او نوالف

وانته تدري !

أگلوبنه ابلون اانهار

والصبح منهن يغار

و احنه يطربنه الحنين

ابريحة الخريط طرزنه السوالف

اي وحگ طيبة أهلنه

او بخت جدك وانته عارف

احنه ٠٠ احنه

أشما يمر الگيظ ٠٠ گيظ

او حيل ناشف

انصير للمحبوب نسمه

انذوب وي صوت اليغني

انصير نغمه

اشلون لو چان اليغني

حسين نعمه

واحنه بينه طيب تسري

او شوگ غناوة( ينجمه)

ايطگ حزننه فرحه عذبه

اتصير وي صوتك ازواگه

اتذوب بشفاف الحبايب

احله بسمه

اتفوح گمريه او (غريبه الروح)

تتسامر تهاني

حلوه وي (نخل السماوه)

اتصير هلهوله او أغاني

احنه هلهوله او أغاني

عرض مقالات: