شلتك بالجفن دمعه
او حلم محبوب
وسط العين
كتبت اسمك
على القداح
واوراق البنفسج
والنده
وابضحكة الحلوين
يا عشگ المحنه
الرافگلني اسنين
هاك احرگ
چبدتي شوگ
جنازه
بين جمع اهنود
او عشگ طشني
ابولاية اهلنه
اولاية الطيبين
الهوه انته
و أنه ابنادم
امن أضمك بالنفس
شهكه
وأشن حيل ما أندم
تعال٠٠٠
أرد ٠٠٠ ارد اوياك
العمر الطوطحيه
او لعب عظم اللاح
وأشمك رازقي او قداح
يا عنبر الشاميه
او دهلة الغراف
من جنه العطر فواح
تعال اوياي
خل انعيد عشگ اسنين
و اشيلنك مثل ما چان
تسيورة محنه
او كحل وسط العين