ما بين يقضه او حلم
وجفون بيهه الوسن
دنيه او يفيض احساس
روحي حمامة فرح
إجناح شايل سنبله
واجناح وردة ياس
وابگلبي طش الفرح
فرحة ابن فرناس
نهران بي الزهو
من شيمة العباس
طش بيه حيل او بعد
طش بي گد الكون
اجفوني رسمن سمه
نجمه او غصن زيتون
بس بي غيمه بقت
واتهون هم اتهون
ما تبقه غيمة حقد
بعيون اليحبون
او عثرات جدم الدرب
متعطل اليمشون
او مادام فكرك فهد
حيل او هدف مضمون
نوصل شواطي الأمل
وانعبر اليردون
او لازم نشوف الشمس
ما دام عدنه أعيون
وايضيع جدم المشي
يا ترفه بالباگوچ
لا ضاع بيهم صدگ
تاهوا ولا وصلوچ
وانتي وحگ عزتچ
والرادوا ايذلوچ
يخسون ذلوا تره
و أبدا فلا لحگوچ
اشكثر واشگد هومشوا
عجزوا ولا لاحوچ
ظليتي شمس او گمر
او كل البشر شافوچ
حمره او ترفين ابفخر
بالمنجل او چاگوچ