شتاء
ثوب
الروح الاول
بهتت الوانه
وتَعدّه البرد الازرگ
يرجف يْعاني
ويگولون: يمعوّد
يتحمّل شته ثاني !
شوق
إخذ الغربه
من عيني
إخذ الوحده
من عيني
إخذ البهجه
يمليها عليْ كاس
وطلّعني
رصيف اخضر
متشوق
اشوف الناس !
تسارع
ذيچ السنه
مرّت
والتجي سرعه وتمُرّ
روحك زغيره
وچذب
تفتهم : معنى العمر!
مجرد راي
النده
لو نده
ويروح يمتص
من رحيق الورد روحه
ويجي يعزفه
على دربك ناي
لو محض
گطرات ماي ؟
مفارقة
سرعة نجم
مندفع
عابر محيط الليل
الدنيه تركض ركض
واحنا وراها ابخَيْل!
حُب
شنهي الجمال
الساحر اللامعقول
گالت العصفوره
عن عصفور
معلول!