اخر الاخبار

ما بين خصلة شعر

من ذهب

او بين فوهة بندقيه

شالت وطنهه علم

امطرز أبأجمل قضيه

وردة المنده امعدله

للوفه جانت هويه

رسم دمهه اعله الجبل

بالحب شعار

( أحرار احنه اوما نعيش الا أحرار )

غنه الجبل وياهه

ابشوگ غنوة وطن

اتباهه المعيبر عبد بيهه

صفگ او غنه شجن

صويحب فرح

طرز الدنيه محنه

او موناليزه

حضنت الشاجور حنه

او رددت شوگ الانصار

ابطور شطراوي

اعله صبي

انه درب الناس دربي

بيه مشيت او انه احبي

(ابو الكون) غنه اويه ستار

المنده رتل خوش غنه

انشد الايام عنه

خلف او نعمين منه

اورود لون الجلنار

خالده او حوريه او صباح

اكرام شوقيه او صلاح

عدهم الموت ارتياح

حس عميده

انشودة الثوار صار

جيله بصدور الطغاة

او ضحكه ترفه

اترف امن إجناح نحله

اتلاهثت بشفاف طفله

حلوه من الحلو احله

صارت الچلمه انتصار

غنته أصوات البنادق

طور صبي

أ يويلي ويلي ربي

(كاغد او جاسه الماي كلبي)

والوكت وياهه جار

رغم هذا اشگد عنيده

واشكثر سبعه عميده

خاوت البرنو شهيده

عالجبل جوريه دمهه

بالوفه للوفه غار

طرز اصدور الرفاق

باعت الدنيه حلمهه

او همه ما منهم الباع

روه دمهن وفه گيعان العراق

شوگ حب اواشتياق

منهن الدنيه تغار

صوتهن للطيبه مسار

كتب دمهن أغنية

او صارت شعار

أحرار احنه او ما نعيش الا أحرار

عرض مقالات: