اخر الاخبار

مهداة لروح الشهيد سلام عادل بمناسبة الذكرى ٨٩ لتأسيس الحزب الشيوعي العراقي

فهد ...

طشر محبته أعلى الدرابين

وكتب بيده الشعار ..

وعلكه ابابه

ورسم جنة عدن للمايخافون

وعلى اشفاف الرصيف

اتظاهر اكتابه

من گالوا خطيه الوطن بردان

كشف جرحه أعلى طوله

وغطه بثيابه

فهد ...

اول محطه اتدلي الناس

وفهد اخر محطه ..

اتخيط اصوابه

فهد ...

كحلة وطن للمايشوفون

وفهد بلسم محبه بوجه

طلابه

فهد ... وي فهد

گمره وسهر عشاك

ما بطل ايغني ويسد

خنيابه

فهد ...

كلشي وكلاشي وكلشي التريد

فهد قوس المنايا وخلكه

نشابه

فهد لوما فهد ...

ما جنه محتفلين

جاجنه دمع والعين سجابه

فهد ...

يدري الوكت يتبدل بدينار

ولهذا السبب ختيروا شيابه

فهد ...

موسم محبه وحفلة العيد

ونشيد بكل وكت ...

معزوفه ألحانه

قصر من المحبه ايعطر الناس

وخضار أعلى البعد ..

ينشاف بستانه

بنى الصحراء اخلاق

ومواويل

وتعلى أعلى المنايا

وكبر بنيانه

كتب اول رسالة ..

وخط الحروف

وحشد من المناجل ..

صبح عنوانه

بدلته الزرگه...

رايه وتجمع الناس

وقميصه احمر خرافي

بلون شريانه

تتلمذت أعلى أيده

بأول الداس

وقريت بوعي ايات قرانه

لهسه ايحن عليكم ..

كلبي اهواي

ويجيكم شايل الطيبات

جنحانه

مقياس انتوا صرتوا

بمجلس النواب

ونزاهتكم تعدت رقم

نيشانه

شكرا يا مشاجب كل الاخلاق

وشكرا ( لفهمي ) ولمة اخوانه

البخت للناس ....

كمره وشمس ثوار

وبختكم شجر وامفرعه

اغصانه

عرض مقالات: