مطرت حرير السمه

وطاح النده ويه الصبح

نوم وچراچف ورد

والشعر غافي وسرح

غفله وسمعت الشمس

وي رمشه تهمس همس

چن كرستال وضوه

ذابن إبليلة عرس

حسيت رعشة دفو

گرصتني حدر الضلع

من كثر شوگي إلك

من جفني فاض الدمع

نارنجه فاحت عطر

وقداح طش بالهوى

عيونك أمراية عرس

بيها الحلم والضوه

چن كلبدون الزلف

وشفاف تنگط عسل

وخدود تلهث جمر

مصباح نور إشتعل

وچن تينه سالت دفو

وطش عالدواشگ سعد

إحتاريت مدري شلم

والدفو إلتف بالبرد

مدري أشم تينتي

مدري ألتهي ويه النهد