اهلنا علمونا هواي اشياء
على الشينات ابد ما علمونا
يركبونا الفرس و نغير شبان
نطارح بالهوى العالي لگونا
يوگفونا عمد شبت دواووين
يعلمونا الصبر لا ما نسونا
نتعبهم نعم بس هما راضين
يادبونا وأبد ما زعلونا
الحلو بيهم زعلهم ما يغث يوم
باول يوم ركضوا صالحونا
محنتهم شمس تچويلنا ظلوع
شما نبرد بحبهم يدفونا
اهلنا عيونا و بيهم ترا نشوف
تعما عيونا لو هم جفونا
شمحلاهم لون يمنا يگعدون
وبغربة نحس لو فارگونا
صريچ أصواتهم غنوات واعياد
شما نبعد عليهم يذكرونا
باعتنا الليالي برخص التراب
و اهلنا بغالي و اباهض شرونا
يلفلفنا التعب ونشد الرحال
ونرد وردة بمحنتهم سگونا
شلنا رسومهم ما بين العيون
وشالونا نواعي يعاتبونا
خذينا هواي منهم ما يبخلون
طبع أرواحهم ترفة و حنونة
فقرة و علمونا الوطن ينباس
مثل شباچ حضرة يقدسونا
ربونا وتعبهم ما نسيناه
تبعثرنا الهموم و رتبونا
الف شكراً لكم يملوحت الگاع
واحدكم وطن شالت عيونا