المقدمة
(جبت من الرميثه الكم
شعر ما تنطفي شموسه
وجبت وياي كلكامش
وساوه وتفكه مطموسه
وجبت شعلان للقاعه
يهوّس للحزب هوسه
اجيت ابكل وفه البيه..
أريد أطبع على اخدود الحزب
...........وأهل الحزب بوسه)
القصيدة
بالسجن مره جنت.. دكوا عليه دغار
من جلدي شلعوا جلد.. وجوا ابصدري النار
جلادي مثل الشمر.. يطلبني يمكن ثار
علكني عالمروحه ..وبجفي دك بسمار
كال اعترف شأعترف.. ماعندي كل أسرار
شيوعي وأظل للأبد.. غير الحزب شأختار
كام المحقق كفر.. كال انته ما تنهار
كتله آنه نشوة نخل.. وبروحي أضم جمار
وتعلمت من فهد.. ومحمد وستار
تحت السياط أحتفل.. ودمي شمع لآذار