ياضوه شكد رادت الظلمه تسكته
ياحلم شوك الليالي امن الزغر بعيوني شفته
انت اول واحد بعمري عرفته
ياحمامات السلام الرفرفن عالوطن انته
انت روعه
يانبع صافي بنكيص الماي يدفك حيل لو ضاكت الوسعه
ياسوالف ليلنه وكمرة هوانه
يانديم الحلو طبعه
شده من ورد البنفسج ورد جوري وياسمين
ورازقي وقداح عالوادم نوزعه ٠٠
وننثر الهيل وجفافي مطرزات بحب اهلنه
واسمك بكل حي نطبعه
ياترف عيدك مبارك
اليوم نفرحلك ونعلك ٨٧ شمعه
سبعه وثمانين شمعه
ياعشكنه اعله الشواطي العصر كل يوم انتلاكه
نمشي بدروب المحبه دروب سحكتهه الرفاكه
نزرع بكل خطوه بوسه ونحضن امن الشوك باكه
انطش عله الدنيا اغاني ٠٠
ملبس وحنه وجفافي
والحديثات الزواكه
ياعشكنه الدنيا حلوه ٠٠ الفرح ضوه ٠٠الوطن غنوه ٠٠
اعراكنه يصعب فراكه
اعراكنه يصعب فراكه