(١)
أنه امن الغير
ما خايف عليك
بس أنه خايف
يا حلو
منك عليك
(٢)
بي سوله
ابكثر ما بالدنيه شوف
أعشگ الذاته سليمه
كعبه و ابشوگه اطوف
(٣)
يا حلو
ابهيد من تنگل اجدامك
ريض ابممشاك
تره أمن ايمرن أيامك
يومئذ ما تلگه من يهواك
(٤)
بي العشگ سوله
بگليبي شلته جرح
ارتاح من ينلچم
يهدأ وذره ملح
اشما تظلم ايامه العشگ
بعيوني اشوفه صبح
(٥)
ابهيد وي الگلب
يالماشي حداري
مو دوم ماي النهر
يبقه تره جاري
(٦)
الشوگه وسط الگلب
خضر براعم أمل
شفاف يبقه عمر
ماظن يغثه زعل
(٧)
زيبگ گلبي
ابچف سكران
هيچ أنه ذاك الچان
گلبي أية ابنص قران
(٨)
الكاس لوما الخمر
ما ينحسب كاس چا ظل كزاز الطبع
يجرح اذا ينداس
وابنادم اذا ما يحب
يظل فاقد الاحساس
(٩)
طبع الشاعر فرح
من ينسمع شعره
مثل طبع الورد
من ينتشر عطره
(١٠)
الدنيه
ابلا عشگ عميه
نهر او أعليه
زعل ميه
(١١)
وحشة محطه الگلب
بجفاك ظل ينتظر هلبت قطارك ايمر
او ابفرحته أيزمر
والهلبت ابشرع العشك
مكروهه واتدمر
(١٢)
للدنيه لا تهتم
لو شفتههاهناه زفه
او غاد مأتم
لان بيهه طبع
هذا التناقض تم