ياهلا بك .. ياهلا بك

ماوكف غيم اعله نورك ..

ولانبت غش اعله بابك

يانهار الدنيه يانخوة اصحابك

ياهلا بك

بيك سر محد يعرفه ..

شماكبر عمرك يرد بيك الشباب

ياهلا بك .. ياهلا بك

مره شفتك مزهريه ..

عطشوها !

اونبع بيهه العطش جوري وجلنار

او مره شفتك بندقيه ..

كسروها

ونبع بيها الكسر ثوار اوشرار

وانت انت ابكل ارض للمنفي دار

وانت للطيب درع ..

اوعادة - الليلو – يتدرع بالمحار

ياهلا بك .. ياهلا بك

يـ الملايين المشانق .. كسرتها على اركابك

يـ الملايين المعاقل .. هدمتها من عذابك

ياعظيم ..

ياخبز ياعيد ياثوب اليتيم

يغلط احساب الخشيم ..

وانت مايغلط احسابك

ياهلا بك .. ياهلا بك

تدري المن تسد بابك..

وتدري المن تفك بابك

يا ...

ياهلا بك

من ديوان قصائد للوطن والناس*