وعدك صار واهس من حچي الليل
منسم من خيالك وأنت تحچيله
تفرشله العيون بحچيك أيكون
موش أنته الگلت بعيونك تشيله
حلفت بموسى وگلت للموت آنا وياك
چا وين الوعد والكاظم أدخيله
ما غزرت العشرة وياك فد يوم
على لحظه وتبيع اسنين الطويله
چنت بليلك أنته تغفه وتنام
ومن عمري عمر كون آنه أوديله
أگله تنام نوم الهنه يفلان
من طور الحزن طور أمي الوليله
بصوت داخل من يجر موال
بصوتي يا حريمه أيريد أغنيله
طشرهن أسنين باللعب وياه
على فراگك لگلبي الچاره سويله
ما يرهم بعد الخياط جرحي وياك
غميج الجرح بس عطاب أخليله