حزبنه.. الله.. ميلادك شمس
ومن عدك اخذنه الشمس تدرينه
حزبنه.. الله.. انته صرخة موت
عل ماخذ خبزنه وجوع مطينه
يحنه وياك كل بكل
ضد الما عرف معشار من دينه
شكثر رادو يبعدونك علينه
وما دروك انته كلب
لكلوبنه وتطي لسواجينه
يهل فكرك
ربيع عقولنه الصارن بساتينه
يا بساتين.. تلاشت خيول الظلام
الحلمت من سنين تنهينه
تلاشو وانتهو همه وشتلهم
كام يرضع موت من طينه
واحنه مورده الاغصان
خضره اشجارنه وتزهي بشواطينه
الفخر للقايد المالان
السگه ورد الفهود بدم شرايينه
الفخر للغايب الحاضر
البعده مرافك الخطوه ويدلينه
دلانه على نبع الطيب
صار النه نهر ثالث براضينه
دلانه الشيوعيه خلاص الناس
خذنه الحيف من نوري لحد اليوم
اللهب بضلوعنه تبرد سجاجينه
تاخذنه وتردنه جروح
وضل حزبك فهد هوه اليداوينه
ربانه على حب الغير وخله
وجوهنه صارت عناوينه
صرناله سمه مرايات
تشوف وجوهه الوادم تظل بينه
شيوعيين... وللنزاهه
احنه نزاهه.. الناس تدرينه
شيوعيين.. بيض اجفوف
يعرفنه شعبنه بكل ملايينه
**************
الشاعر حمود حسين كعيد*