الحضور الكريم

طاب مساؤكم

يسرني نيابة عن اللجنةِ المركزية للحزب الشيوعي العراقي أن أرحبَ بكم جميعا في مستهلِ هذه الأمسية  التي تقام احتفاءً بالذكرى اليوبيلية التسعين لتأسيس حزبنِا الشيوعي العراقي.

لقد دأب الحزبُ في مناسباتِ تأسيسه، وصار تقليدًا، أن يكون للشعر الشعبي وشعرائه في مثل هذه المناسبة حضورٌ يَليقُ بالدور الذي نهض وينهض به الشعرُ الشعبي كرافدِ ابداعٍ وإلهامٍ متميزين من روافد الثقافة العراقية، ودوره المشهود في الوقوف الى جانب شعبنا المتطلع الى الحرية والديمقراطية وكرامة الانسان .

وحريٌ بنا اليوم ونحن في رحاب هذه المناسبة، التذكيرَ بالمجموعة الشعرية التي أُصْدرت بمناسبة الذكرى الأربعين لتأسيس الحزب الشيوعي العراقي العام 1974، ألا وهي مجموعةُ / قصايد للوطن والناس/ التي ضمت ثلاثاً وثلاثين قصيدةً  لثلاثةٍ وثلاثينَ شاعراً ممن كانوا يتصدرون المشهدَ الشعريَ  في العراق آنذاك.

 وفي الذكرى السبعين لميلاد الحزب صدرت  مجموعةٌ شعريةٌ أخرى حملت اسمَ / عيد وشموع ومرايات/ وقد ضمت عشرين قصيدةً شعبيةً تُشيد بالحزب والذكرى، كتب مقدمةَ هذه المجموعة الفقيدُ الشاعرُ الكبير ألفريد سمعان بعنوان (لمحات من القصيدة الشعبية). و جاء في استهلال المقدمة: يعتبر الشعرُ الشعبي في العراق من أبرز الفنون، يتصدر قائمةَ الابداع؛ والانجازِ الفكري، وينتشر على مساحاتٍ واسعةً لا سيما في جنوب العراق، حيث يحظى بتعاطفٍ عميق، يترك بصماتِه على المهرجانات وفي الأعراس والأحزان، ويشكل الشعراءُ الشعبيون مجاميعَ كبيرةً، تأخذ قصائدُهم مكاناً في الصحافة، ويتردد صداها في مختلف الأماكن. تتنوع أساليبُهم، وتعيش أجواءً متنوعة، وهم يحظون بمكانةٍ خاصة في المجتمع، نتيجة اندماجِهم معه والتعبيرِ عن شجونه، وأمانيه، وتطلعاته نحو المستقبل، ويتجلى ذلك في الأغاني التي تنتشر، وتلتصق بالشفاه، ويرددها الصغارُ والكبار.

أيها الأعزاء:

إن اهتمامَ الحزب بعموم الشأن الثقافي، ومنه الشعر الشعبي، هو التزام أكدت أهميتَه جميعُ برامج الحزب ووثائقُ مؤتمراته الأخرى منذ المؤتمر الأول الذي عقد العام 1945 والذي أودع وصيةً لكل شيوعي بأن يكون تقدميا في نظرته نحو العلمِ والفن والأدب والثقافة بصورة عامة، وأن يدافعَ عنها باعتبارها ملكَ شعبنِا وملكَ الإنسانيةِ المتقدمة، ويحترم العلماءَ والفنانين والأدباءَ دون الالتفات إلى قومياتهم وأجناسهم.

عندما نلتقي في مثل هذه الأمسية، لابد وأن يكون حاضرا معنا ابداعُ أجيال من الشعراء الشعبيين المرموقين رفاقا وأصدقاء، منهم من رحل عنا ومنهم من استشهد وتعرض  الى السجون أو الملاحقة أو التشرد والغربة، جراء قصائدهم، ومواقفهم وانحيازهم لقضايا الشعبِ والوطن،  ما نظمه هؤلاء  من قلائدَ ظلت مشعة ً في العقول والأفئدة وخالدة ً في ذاكرة المتلقي لما حملته من مضامينَ أخاذةٍ غدت وثائقَ جمالية.

إن حزبنَا إذ يعتز بالمبدعين  من الشعراء الشعبيين اعترافا منه بالدور الذي قاموا به طيلةَ عقودٍ خلال نضالاتِ شعبنا وهم يستنهضون فيه بصور شعرية كسبائكَ معدنيةٍ نفيسة، الوعيَ والقيمَ الأخلاقيةَ والجماليةً بين بنات وأبناء شعبنا، تعينهم في النضال نَشْدًا لتحقيق يومٍ وغدٍ أفضل بعيشٍ كريم يستحقهُ شعبُنا الذي عانى ما عانى من جور الأنظمة الرجعية والدكتاتورية والفاسدة.

الأعزاء الحضور

نلتقي اليوم في الحادي والعشرين من اذار ، عيد نوروز ، عيد الربيع والجمال  وانتصار الحق على الباطل ، العيد القومي للشعب الكردي . وفي هذه المناسبة نقدم  اجمل وارق التهاني  ،متمنين للجميع حياة ملؤها المحبة والتآخي والتسامح والعدالة والأمان والاستقرار.

الحضور الكريم

إن ما آلت إليه أوضاعُ البلد على مختلف الصعد، تدعو جميع المبدعين ومنهم الشعراءُ الشعبيون إلى تعزيز مساهماتهم ودعم  نضال قوى شعبنا الوطنية من أجل التخلص من منظومةِ الحكم الفاشلة، القائمة على منهج المحاصصة الطائفية – الاثنية والبناء المكوناتي للدولة، المولد للازمات. نرحبُ بكم مرة ونشكركم على تلبية الدعوة للمساهمة في هذه الأمسية .

والسلام عليكم

الرفيق بهجت الجنابي يلقي كلمة الحزب في الحفل

 *****************************************************************************************

قصائد في حضرة الحزب  

علاء الماجد

انته يل اسمك عراق

شلون تتفكك تصير ولايات

شلون وانته الـ وزعت عالكون نورالنجمات

شلون وانته الكاع صارت كاع بيك

والسمه لخاطرعيونك صارت الهم سماوات

شلون تتفكك يبوالمجد الجبير

ويا أبوالتاريخ كله وسيد السادات

شلون ياقبلة الدنيا

وجوه هاي الناس المن تتجه بالصلوات

شلون ياادم ونوح ويونس وشيت

ومحط كل الرسل والانبياء

وشوفة اعيونك حياة

شلون يابو المكرمات

شلون؟

وانته الجمجمة الرسمت طريق

واسست كل الحضارات

انته واحد ما الك ند وشريك

انته يل اسمك عراق

حلم تصبح (عراقات)

دار دور .. دار دور

ساعة وبـ (الهنادس) يعتلك نور

ساعة وينكسر سيف الظلم والجور

ساعة والشهيد يهدم السور

ساعة و (يبرج) البلور

ونحاسب شهود الزور

ويوكف بالثنيه  يهوس الناطور

ويطلع كل نخل بغداد

متحزم ابردي الهور

وتطلع وي نخل بغداد كل الحور

الحور العراقيات ،. مو كل حور

الحور الي كحلهن لافتات

وصوتهن منشور

الحور اليشبهن خبزة التنور

وتغني الطفولة بصوتهه المأثور

دار دور .. دار دور

ونكشف زيفكم ونطلع المستور

ونهتف للحضارة ، لسومر وآشور

وبدم الشهيد نزخرف الدستور

ونخط لافته بطول العراق

تكول:

لاللظلم ،لا للبوك ، لا للقاتل المأجور

ونرجع من جديد نغني بالتحرير

منصور الشعب منصور

دار دور .. دار دور

جرح عراقي

الى الشهيد عادل الجاف

نام اعله الجرح ..

واحبس زفيرك لاتسمعه الناس

واكطع حبل وصلك بالليالي وحركة الوهواس

نام اعله الجرح .. خلي النزيف يطول

ويورد عله البيبان شدة ياس

خلي عيون صبرك تفضح المضموم

وخلي الناس كلهه تصير بالشدات عباس

نام اعله الجرح ..

وانشر قميصك

لافته

وراية شعب

يل بيك رفعة راس

كرادتنه تبجي بدم

داخلها وخارجها

وملاعبها وكهاويها

وسيد ادريس والنواس

كنيسة مريم العذراء

والهندية والمهدي

تتنطرك ..

يل غرة جبينك

تعرك ..

وتنباس

ياساس الوطن ..

يل بيك يعله الساس

(التحرير) ساحة تعودت ملكاك ..

(التحرير) ساحة واجت تركض ليك

حطت صورتك جوه النصب متراس

 **********************************************************************************************************

حمرة البيارغ

حيدر جليل

ورد و قناديل و هوى

و اگلوب ترفه مسودنه

بحب الوطن

احنا الهذوله الما يغيرنا زمن

الايام إذا راحن و اجن

نبض الگلب يصرخ وطن

شدينا الجروح و تعنينا الك

من يشبهك

 الباعوك قبضو ياثمن

والله عجيبة محبتك

الموت شفنا بغيبتك

و جيناك من بين المحن

اه يا وطن اه ياوطن اه يا وطن

حمرة البيارغ عامل احنا وفلاح

و الراية سگمها فهد نثرت عبير القداح

و بجف سلام اتنومست

راية حزبنا و رفرفرت

روح الوطن روح الحزب

بگلب الشيوعي رفرفرن

اي يا وطن

اطيناك دم و يا العشگ

وبطينك امتد العرگ

طبع الشيوعي ما يزل

گول و فعل

وي حنطتك ارضا انطحن

اي يا وطن

باگوك من عدنا وعشت

بالروح موطن ما متت

عشگ الشيوعي يختلف

من يعشگ يفيض و يجف

عاشگ حقيقي من يجن

اي يا وطن

لامونا بيك بلا بخت

نهواك باصريخ و صمت

كلشي بوجودك ينحذف

انت الثگيل الما يخف

و انا الشيوعي الممتحن

اي ياوطن

(حن وانا احن)

بمظفر القديس الگاك

بنغمة فؤاد السالم اهواك

وياك ياموطن اوياك

وبترابك الغالي عراق اندفن

ونبض الگلب يصرخ وطن

 ***************************************************************************************************

مشاعل  النواطير

د. حامد الشطري

مشاعل شلت اصابيعي

الك طول الدرب يضون

وفززت المحابس..

صفگة ولملگاك

بايقاع الگلب صفگن..

وطشيت الدمع ليلو..

عله دروب النشامي بجنح تالي الليل..

وحزام الزلم منشور..

ما مفطوم..ومطرز بريحة هيل..

ولك بدروبك العثرات..

مثل حس الگطه..اليجفل

وعله حس الدمع بسكوت..

خل جيتك حلم..

والعين..

من خيال طولك ما اظن اتمل..

مثل مهرة سبوگ ..

تزوف

من ريحة الغيم ..

تهلهل وتصهل

مثل عين الصگر ..متنام

وانا بعيني السهر يغزل..

خل يغزل ضواك وحلمك النعسان..

بابعد هور

مشحوف البريد..

مامن وخدران..

واني املاحف وي الليل

كل خيال يخطف..

چاسني الوهواس

اخاف برمشة اعيونك...

يشوفونك وسط عيني ..

ويبوكونك..

يبوگونك امن اصفن حسبتي..

و يطول بيها الليل

يل عابر عله ازلوف الشمس..

قدحة ضوه..

لاتمسح الكحله...

يل شايل نجم

سارح بصفنة غيم

فك زيجك

 انه بزيجك

اشوف الگمر يدلى

 واشوفك من تغار من الگمر

تحله...

اشم بكتار زلفك طعم ريحة هيل

وادري بجفك الدله...

جفت مني الايام الواهس ومحتام

اكض مفتاح حجلك بيد

وبيد بمشط روحي نمشط الكذله..

يل الاحلى...

يلىشوگك معتق وصل للتسعين..

وبعدك من تسولف ..والله اغار اعليك..

وشد بذراع زندك علگ گصبة هور..

ولافزز گطاية بشبچة الناطور..

خايف لاتصيبك عين..

وخيالك حمد صبخه...

وعطش جاس الجرف وشفاف ذبلها الغنه البسكوت

مامش ماي ..

ولا گطرة نده بجناح حذافه

 *************************************************************************************************************

لا ترحل 

كامل العتابي

لاترحل ...... يبو البسمه الجبيره وللكَلب تندل

لا ترحل.......ينهر الروح يا منهل

لا ترحل........ يهلال الفرح لو هل

يا أترف شتل مشتل...

يانبع الضوه الأول.....

تحشني الآه حش منجل.....

على دروبك اصيح الويل يمعدل....

وعلى امصابك أدورن دورة المشعل.... وتفرني الآه فر مغزل ....

لا ترحل....

على بختك تدير العين

لو روحك عليْ تزعل

جودر بالأحزان الليل....

وانه وياه جمرة ويل.....

ذبني ابسجة التعبان.....

وشاطرني بهواه الحيل...

يبو العشرين وين تبات

وردات العشكَ ترفات

عفاها أمك صبرها أهات

تحني ارسومك الحلوات

يغطيها السواد اهموم

وتتوسد كَلب محموم

يعاشرها الدمع والنوح

وافراشك عليك اينوح

أصيح عليك لا تمشي....

مشيت وعفت كل حدشي....

الورد يذبل

الفرح يزعل

الحزن يندل......عليش بهاي ما تسأل

وك......لا ترحل.....

يصاحب ما صحالك كيف

يندهنّك صور بالطيف

تصيح اعليك لا ترحل....

يبعد العين يا منهل.....

لا ترحل....لا ترحل

********************************************************************************************

حوار الأضداد

طارق حسين

- إلى صاحبي الذي لايرى .

ٱخ .. لوتدري اشكثر تعبان

وك بيه تعب ماينتهي يفلان

متگلي اشوكت ترتاح

ياطير المحبه المالگاله اجناح

وارتاح

أظل تعبان ..

مادامت اعيوني إتميز الألوان

ومادام بأذاني يطنطن الذبان

ومادام اليضدني أنسان وٱنه انسان

أظل تعبان

أحشي اذنك گطن وتجاهل اليحچون

وحد خطوة إجدامك ورا اليمشون

وخلها اعيونك اتغازل عديم اللون

وإيد الماتشابچها

حبها وگول أنا المؤمنون

وهي كل الأمور إتهون

أتخسه يهدان

موش ٱنه اليصيح الغوث من دخان

أستدراك :

ألي عين وألك عين

وعين المابچت للحين

لفها البين

ألي راس والك راس

وراس المايهم بالناس

ريته بفاس

ألي چف والك چف

وچف اللي ولى وماعف

ماينظف

ألي روح والك روح

وروح الماسمت بجروح

خلها إتروح

إلي اعيون وجبيلي اعيون همله

وأبد ماشوف عنده الشوف همله

إليهم بالناس هم بالناس همله

- ترك بس الدخيل إبلاهويه

ألي راس إمهموم وراس نداي

ولا يوم السمعني وجاب نداي

يظل دمعي على الخدين نداي

- يوم اجتثاث أهل الرديه